Is-Sur Matthew Yeomans iservi bħala d-Direttur tad-Direttorat tal-Infrastruttura Kritika ta’ Malta. Huwa kellu rwol attiv fit-traspożizzjoni tad-Direttiva tal-UE 2016/1146/KE, komunement imsejħa d-Direttiva NIS1, f’L.N 216 tal-2018. Bħala parti mir-responsabbiltajiet tiegħu, irrappreżenta lil Malta f’laqgħat multilaterali fil-Livell tal-UE organizzati mill-Kummissjoni Ewropea, fejn huwa ssalvagwardja l-interessi ta’ Malta dwar id-dossiers li li jingħaddu minn zmien għal zmien mill-Kummissjoni Ewropea.

L.N 216 tal-2018 iddeżinjat formalment Timijiet ta’ Rispons għall-Inċidenti tas-Sigurtà tal-Kompjuter (CSIRTs), b’CSIRTMalta jinħatar bħala s-CSIRT nazzjonali ta’ Malta. F’din il-kapaċità, is-Sur Yeomans serva bħala mexxej tat-tim illi jissorvelja l-operazzjonijiet biex jappoġġjaw Infrastruttura Kritika (CIIs), OESs, u CSIRTs.

Huwa jservi bħala l-kuntatt primarju fi ħdan il-grupp ta ‘kooperazzjoni NIS u huwa membru tal-Kumitat ta’ Tmexxija tal-Istrateġija Nazzjonali tas-Sigurtà Ċibernetika (NCSS). Notevolment, huwa kkontribwixxa għall-pubblikazzjoni riċenti tat-tieni Strateġija Maltija taċ-Ċibersigurtà għall-2023-2026 mill-NCSS.